മാനന്തവാടി രൂപതാ ചെറുപുഷ്പ മിഷന്‍ലീഗിന്‍റെ നേതൃത്വത്തിലുള്ള ബൈബിള്‍ കലോത്സവം ഒക്ടോബര്‍ 14 ശനിയാഴ്ച്ച ബത്തേരി അസ്പംഷന്‍ സ്കൂളില്‍ വച്ച് നടന്നു. ഫൊറോനാ ഡയറക്ടര്‍ റവ. ഫാ. സ്റ്റീഫന്‍ കോട്ടക്കല്‍ കലോത്സവം ഉദ്ഘാടനം ചെയ്തു. രൂപതാ എക്സിക്യൂട്ടീവ് അംഗങ്ങളും ടീം അംഗങ്ങളും മത്സരത്തിന് നേതൃത്വം നല്‍കി.
കലാമത്സരത്തിന്‍റെ വിജയത്തിനായി പ്രവര്‍ത്തിച്ച സ്റ്റീഫന്‍ അച്ചനെയും ബത്തേരി അസ്പംഷന്‍ ശാഖ കെ.സി.വൈ.എം, മിഷന്‍ലീഗ് പ്രവര്‍ത്തകരെയും പ്രിയപ്പെട്ട രൂപതാ മേഖലാ ശാഖാ ഭാരവാഹികളെയും ഡയറക്ടര്‍ അച്ചډാരെയും സ്നേഹത്തോടെ ഓര്‍ക്കുന്നു. കലാസാഹിത്യ മത്സരത്തില്‍ യഥാക്രമം കല്ലോടി, മാനന്തവാടി, മുള്ളന്‍ക്കൊല്ലി മേഖലകള്‍ ഒന്നും രണ്ടും മൂന്നും സ്ഥാനങ്ങള്‍ നേടി. സമാപനസമ്മേളനത്തില്‍ രൂപതാവികാരിജനറാള്‍ മോണ്‍. അബ്രാഹം നെല്ലിക്കല്‍ സന്നിഹിതനായിരുന്നു.
